– Bilirəm, söysən də, döysən də haqlısan. Boynum teldən də nazikdir qarşında. Quda olub pislikdən başqa heç nəyimi görmədiniz. Ayrı biri sənin yerində olsa addımını bura atmazdı. Allah eləməmiş, belə bir iş mənim qızımın başına gəlsəydi bəlkə də mən sənin qədər alicənablıq göstərməzdim. Bütün bu baş verənlərə görə səndən də, Nihal müəllimədən də, Şahanə qızımdan da üzr istəyirəm. Məni bağışla deməyə haqqım yoxdur. Amma səndən bir ricam var. Onu yerinə yetirməyə mənə yardım et. Kömək elə, balalarımızı yenidən birləşdirək.