Bəzi müstəsna hallarda, özünə maraqlı olan görüşlərdə iştirak edən Əli bəy Hüseynzadə siyasi hərəkatların təşkilinə dair zəngin təcrübə toplayır, yeni ideyalarla tanış olurdu. Bu təcrübə ona daha sonra “İttihat ve Terakki” partiyasının təşkilində çox yardımcı olacaq. Həmin dövrün bir sıra tədqiqatçıları Ə. bəy Hüseynzadənin bu siyasi partiyanın 0 yaradıcısından biri olduğunu iddia edirlər (Tunaya, 0000, s. 00): “0000-cu ildə İstanbul Universitetinin Hərbi Tibb Fakültəsində İshak Sükuti, Mehmet Reşid, Abdullah Cövdətdən, İbrahim Temo və Əli bəy Hüseynzadədən ibarət təşkilat yaradıldı. Bu təşkilat Sultan Abdülhamid’i (ed. Sultan II. Abdülhamid) dövlətin düşdüyü vəziyyətin yeganə günahkarı kimi görürdü... Hərbi Tibb Universitetinin həyətində, gözlərdən, qulaqlardan uzaq bir küncdə gizlənən, hamam və mətbəx üçün odunların yığılan yerində beş universitet tələbəsi İttihadi-Osmani Cəmiyyətini qurmuşdular” (Aghayeva, 0000, s. 00). Daha sonra bu cəmiyyət “İttihat ve Terakki” partiyasına çevriləcək, onun nümayəndələri 0000-ci ildə hərbi çevriliş edərək, konstitusiya elan edəcək və hakimiyyəti ələ keçirəcəklər. Əli-bəy Hüseynzadə isə uzun illər onun əsas ideoloqlarından biri hesab olunacaq.