Onlarla sorğu aparan Türkiyəli araşdırmacılar məmulatın, onun ayrı-ayrı elementlərinin adını soruşduqca qadınlar tsaxur və ya avarca cavab verirdilər. Deyilən sözü, termini həmin an qeyd edən Türkiyəli tədqiqatçıların diqqətinə çatdırdıq ki, bu terminlər yalnız bu qrupa aiddir, ümum Azərbaycan miqyasında işlənmir. Əslində tədqiqatçılar hər hansı bir ölkədə araşdırma apararkən etnik və dini məsələlərə diqqət etməli, bu və ya digər fərqin kökünü araşdıra bilməlidir. Bütövlükdə Türkiyəli məsləkdaşlarımızın öz araşdırmalarını necə böyük səy və həvəslə apardıqlarını və bölgə xalqının onlara səmini münasibətinin şahidi olduq. Eyni diqqət və səmimiyyəti biz, Azərbaycandan gedən tədqiqatçılar da Türkiyədə gördük. Tərcüməçisiz ortaq mədəniyyətimizi paylaşmağımız da bir daha kökümüzün birliyindən və bizim tək millət, iki dövlət olduğumuzdan xəbər verirdi…